Passion Uncover

Sa pakiramdam mo ba ay lagi kang nag-iisa? Kapag umuuwi ka, mag-isa ka lang naglalakad pauwi ng bahay? Pag-birthday mo, wala kang makasamang matino na gusto mo talagang kasama? Madalas na pagkakataon, nakakaramdam ang maraming tao ng pangungulila... Pangungulila sa mga taong gusto sana nilang makasama o kaya kahit makausap man lang. May mga sandali na naghahanap ng makakasama para lang hindi makaramdam ng pag-iisa. Alam mo... di ka naman talaga mag-isa... Manalangin ka lang , malalaman mo na hindi ka mag-isa.

Ang pamana ng isang mabuting tao ay pawang kabutihan lamang. Ngunit ang pamana ng isang masamang tao ay dapat mapalitan ng kabutihan. Maging matalino kayo sa paggawa sapagkat marami ang naililigaw nito na kadalasan ay humahantong sa pagiging masama. Huwag masilaw sa mga pansariling katanyagan, ito'y sumisira sa tunay na kahulugan ng buhay. Gamitin natin ang bawat pagkakataon, ang lahat ng sandali ng ating buhay sa paggawa ng mabuti sapagkat ito'y hindi lamang nakakalugod sa kapwa natin kundi ito'y higit na nakakalugod sa Diyos na lumalang sa ating lahat. ANG MABUTI AY MAGPAKABUTI PA... ANG masama AY MAGPAKABUTI NA! ito ang tunay na PAMANA sa mga susunod na henerasyon...